ബാല്യകാല സ്മരണകള്
>> Sunday, December 13, 2009
മോഹിച്ചുപോയി ഞാനി-
ന്നുമെന് ബാല്യത്തെ
തേനൂറും മധുരമാം
സുന്ദര സ്വപ്നത്തെ
അറിയാതെ കോരിത്തരിച്ചു ഞാന്
കുളിരൂറിയിന്നെന്റെ നെഞ്ചകത്തില്
മോഹനസുന്ദരയോര്മകളെത്തി
യിന്നോടിക്കളിച്ചെന്റെ കണ്മുന്നിലായ്
ഓടിക്കളിച്ചുഞാന്
കൂട്ടരോടൊപ്പവും
കഥകള് പറയുവാന്
മുത്തശ്ശികൂട്ടിനും
കാട്ടിലും മേട്ടിലും കൂട്ടിനു
പോയിഞാന്
കുട്ടികുസൃതിയാമെന്
തോഴരൊപ്പവും
വയലേലയും കുന്നും
മലയും നല്ലോര്മകള്
പൊട്ടിച്ചിരിക്കുവാനുള്ള
കുസൃതികള്
അറിവിന്റെയാര്ദ്രമാം
ഒരുകുടം വിദ്യകള്
നേടുവാനെത്തി ഞാന്
വിദ്യാലയത്തിങ്കല്
സ്നേഹനിധികളാമധ്യാപകര്
നല്കിയിത്തിരി വിദ്യയു-
മിത്തിരി നന്മയുമെന്റെ
കരങ്ങള് നിറയുവോളം
ആസ്വദിച്ചീടേണ്ട ബാല്യ-
ങ്ങളത്രയും പൂട്ടിയൊ-
ളിപ്പിച്ചുവെക്കുമീ
കാലത്തിങ്കല്
സ്മരണ പുതുക്കി
നമിക്കണം ബാല്യത്തെ
വിശ്വസ്വരൂപമാം
സ്നേഹസൗഭാഗ്യത്തെ.
2 comments:
kavitha nannayi. abhinandanangal.
കവിത മനോഹരമായി
നല്ല ആശയമുണ്ട്
നമുക്ക് നഷ്ടമായിക്കൊണ്ടിരിക്കുന്നവയാണിതെല്ലാം
ആശംസകൾ!
Post a Comment